ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានកត់សម្គាល់ពីតម្រូវការរបស់អ្នកវិនិយោគជប៉ុនមកកម្ពុជាដោយពួកគេបានផ្ដោតលើចំណុចចំនួន២គឺ ថ្លៃអគ្គិសនី និងធនធានមនុស្សដែលឆ្លើយតបទៅនឹងតម្រូវការក្រុមហ៊ុនសម្រាប់ដំណើរការផលិតកម្មរបស់ខ្លួន។
សម្ដេចថ្លែងបែបនេះក្នុងពិធីរំលឹកខួប១០ បូក១ឆ្នាំនៃប្រតិបត្តិការក្រុមហ៊ុន Minibea នៅកម្ពុជា។
គួរឱ្យដឹងផងដែរគិតរហូតមកដល់ពាក់កណ្ដាលឆ្នាំ២០២២ អ្នកវិនិយោគជប៉ុនមកវិនិយោគនៅកម្ពុជាមានតម្លៃប្រមាណ៣ពាន់លានដុល្លារអាមេរិក ខណៈចុងក្រោយនេះក្រុមហ៊ុនផលិតឡានដ៏ធំរបស់ជប៉ុនតូយ៉ូតាក៏គ្រោងបើករោងចក្ររបស់ខ្លួននៅកម្ពុជាផងដែរ៕
